လယ်ယာမြေ အမည်ပြောင်းရင် လုပ်ဆောင်ရမဲ့ အချက် ၄ ချက်

1. ပုံစံ ၁၀၅ လျှောက်

လယ်ယာမြေ လုပ်ပိုင်ခွင့်ပြုလက်မှတ် (ပုံစံ-၇) ရှိသော လယ်ယာမြေအရောင်းအဝယ်စာချုပ်အတွက် မြေစာရင်းဌာနမှာ ပုံစံ ၁၀၅ လျှောက်ထားရပါမယ်။

 2. ဝင်ငွေခွန်ထမ်းဆောင်

 မြေစာရင်းပုံစံ ၁၀၅ ရပြီးရင် လယ်စီအဖွဲ့က သတ်မှတ်ထားတဲ့ မြေတန်ဘိုးဇုန်နှုန်းအရ မြို့နယ်အခွန်ရုံးမှာ သတ်မှတ်ဇုံနှုန်း + တံဆိပ်ခေါင်းခွန် ၄% + ဝင်ငွေခွန်များနဲ့အတူ ထမ်းဆောင်ရပါမယ်။ ဝင်ငွေခွန် နှုန်းထားများကို ပူးတွဲတင်ပြထားပါတယ်။

3. အရောင်းအဝယ်စာချုပ် မှတ်ပုံတင်

ထို့နောက် ရပ်ကျေးလယ်စီအဖွဲ့ရှေ့မှောက်မှာ အရောင်းအဝယ်စာချုပ် လက်မှတ်ထိုးပြီး မြေစာရင်းရုံးမှာ အရောင်းအဝယ်စာချုပ် မှတ်ပုံတင်ရပါမယ်။ မြို့နယ်မြေစာရင်းရုံးမှာ အရောင်းအဝယ် မှတ်ပုံတင်စာချုပ် မှတ်ပုံတင်ခ ဝ.၅% ထပ်မံပေးသွင်းရပါမယ်။

4. အမည်ပြောင်း လျှောက်လွှာတင်

အရောင်းအဝယ်စာချုပ် ချုပ်ဆိုပြီးပါက မှတ်ပုံတင်ပြီးသော စာချုပ်စာတမ်းများနှင့် ပူးတွဲ၍ လယ်ယာမြေလုပ်ပိုင်ခွင့် ပုံစံ ၇ အား အမည်ပြောင်း လျှောက်လွှာ တင်သွင်းခြင်း၊ လုပ်ပိုင်ခွင့်ရသူ အမည်ပြောင်းလဲပေးခြင်းကို မြေစာရင်းရုံးမှာ ဆက်လက်လျှောက်ထား ဆောင်ရွက်ရမှာ ဖြစ်ပါတယ်။

ထိုသို့ ပြည့်စုံစွာ ဆောင်ရွက်ပြီးနောက် ဝယ်ယူထားသော လယ်ယာမြေ၏ လုပ်ပိုင်ခွင့်ပြု လက်မှတ် ပုံစံ ၇ မိမိအမည်ဖြင့် ရရှိမည် ဖြစ်ပါကြောင်း တင်ပြလိုက်ပါတယ်။

ဝင်ငွေခွန်နှုန်းထားများ

(ဝင်ငွေခွန်နှုန်းထားများမှာနှစ်အလိုက်အပြောင်းအလဲရှိနိုင်ပါသည်)